کملي تيرے در دي
نفيسہ محمود سڈني آسٹريليا
پل پل لوکي ازماوندے رہندے
کردے چکنا چور وے سائياں
تو ہي ميرے دل دا محرم
تو ہي بخشن ہار وے سائياں
ايتھے بن گئے دروغے سارے
ليندے رہندے حساب وے سائياں
تولدے رہندے نظراں دے وچ
کردے جينا محال وے سائياں
ہر دم رنگ بدل دے بندے
گرگٹ وي شرما وے سائياں
اک تيرا ہي سچا رنگ وے
اپنے رنگ وچ رنگ دے سائياں
نئيں پلے پيندي دنيا تيري
اپنے ول تو موڑ لے سائياں
مار مکائ ميں وي اپني
دل دا ميل مکا دے سائياں
کملي تيرے در دي ربا
کدي نہ چھڈيں ہتھ وے سائياں
