نماز
نورالصباح بدر جرمنی
دل کا سکون روح کی راحت نماز ہے
پیدائش انسان کا مقصد نماز ہے
آئے ہیں اس جہان میں ہم جس کے واسطے
رب کی وہ بندگی ہے اطاعت نماز ہے
یہ زندگی نہیں کہ جئے اور مر گئے
دنیا ہے اک سراب ؛ حقیقت نماز ہے
زیبا نہیں ہے سجدہ کسی کو بجز تیرے
دنیا میں صرف ایک عبادت نماز ہے
ڈھونڈ بتکدوں میں نہ کرجوں میں اس کو تو
بس اک لقائے یار کی حالت نماز ہے
کتنی محبتوں سے ہے تجھ کو عطا کیا
کر زیب تن کہ اک حسیں خلعت نماز ہے
ازکار اس کے سب ہی ہیرے جواہرات
تھی جس سے مصطفی کو عقیدت نماز ہے
