ماں تيري محبت بخدا ياد رہے گي
(سيدہ کوثر – لندن)
آغوش ميں جنت کي ہوا ياد رہے گي
ماں تيري محبت بخدا ياد رہے گي
سن کر جسے رہتے تھے فرشتے بھي سکوں ميں
وہ لوري وہ پر درد صدا ياد رہے گي
مٹي کي محبت کو نہيں بھولنا ممکن
افلاک کي بوسيدہ ادا ياد رہے گي
گردش ميں نہيں کوئي ستارا بھي مرے دوست
ہم لوگوں کو کچھ يوں بھي خلا ياد رہے گي
منزل کے قريں ميرا پڑاؤ نہيں ہوگا
بھيگے ہوئے موسم کي نوا ياد رہے گي
درويش کے ہاتھوں ميں کوئي کاسہ نہيں ہے
اس نے جو مجھے دي تھي سزا ياد رہے گي
آنکھوں ميں اترتے تھے کسي شام کے نوحے
کوثر مجھے گم گشتہ دعا ياد رہے گي
