غزل

(بشارت سکھي جرمني )

کتنا دل کش ہے ترے پيار کا اظہار کہ بس

روح تک ہوگئي ہے مري سرشار کہ بس

زيست ہر لمحہ ہوئي جاتي ہے آزار کہ بس

ہو رہے وقت کے ہاتھوں سبھي لاچار کہ بس

تند لہجوں سے سدا گھاو کھرچنے والے

ہم کو تو ايسے ملے ہيں سبھي غم خوار کہ بس

بعد تيرے تو ہنسي روٹھ گئي ہونٹوں سے

ايسا اجڑا ہے مري خوشيوں کا سنسار کہ بس

عرش بھي شرم سے ہو اٹھا تھا پاني پاني

بنت حوا ہے لٹي ايسي سر بازار کہ بس

ماورا لمس کي چاہت سے محبت ہے مري

ہم نے تو رکھا محبت کا يہي معيار کہ بس

جسم خاکي سے کہاں عشق نبھايا جائے

عشق تو کھينچ کے لے جائے سر دار کہ بس

درد وہ دل ميں اٹھے ہے کہ نہ پوچھو ہمدم

فرقت غم نے ہميں ايسا کيا لاچار کہ بس

رنج وغم ہي تو مري زيست کے مخزن ٹھہرے

عمر بھر سينت کے رکھا يہي سنسار کہ بس

ربط کيسا ہے مرا درد کي زنجيروں سے

ہر قدم پر ہے اٹھي درد کي ديوار کہ بس

ايک مسکان کي قيمت يوں چکائي دل نے

چھن گئے ہوش و خرد کر ديا لاچار کہ بس

باندھ رکھا تھا جسے صبر کے دھاگوں سے سکھي

ضبط يوں ٹوٹ کے رويا ہے مرے يار کہ بس