دسمبر

(ندرت جہاں کاشف جرمني)

دسمبر آ گيا پھر سے

تمھيں معلوم ہے جاناں ؟

بہاريں جب گزرتي ہيں

مرے خاموش آنگن سے

بہت آنسو رلاتي ہيں

ہوائيں جب گلستاں ميں

مدھر سے گيت گاتي ہيں

مجھے لگتا ہے ايسے کہ

بہت ہي غل مچاتي ہيں

انھيں کے غل غپاڑے سے

تمہاري ياد کي ديوي

اچانک جاگ اٹھتي ہے

مجھے آ کے لپٹتي ہے

ہري شاخوں کا ہر پتہ

بڑي شوخي ميں آتا ہے

ہوا کے سنگ لہرا کر

بڑا اٹھلا کے کہتا ہے

کدھر محبوب ہے تيرا ؟

ميں ان کو کيا بتاوں کہ

کہاں محبوب ہے ميرا

انھيں اب کيا بتاؤں ميں

نيا قصہ سناؤں ميں

زخم دل دکھاؤں ميں

ابھي ميں سوچتي ہي ہوں

چلي جاتي بہاريں کہ

جيسے روٹھ بيٹھي ہوں

ميري اس سوچ پر جاناں

انھيں سوچوں کے ريلے ميں

دسمبر آ ہي جاتا ہے

يہ اتنا سرد ہوتا ہے

کہ ہر جذبہ ہر اک منظر

سفيدي اوڑھ ليتا ہے

تمھاري ياد کي ديوي

اسي بے رنگ سردي سے

گھبرا کر کہيں دل ميں

دبک کر بيٹھ جاتي ہے

تبھي جاناں دسمبر کا مہينہ يہ

مجھے سارے مہينوں ميں

بڑا ہي لاڈلا سا ہے