غزل

(بشارت سکھي جرمني)

گرہ نفرت کي کيوں کھلتي نہيں ہے

محبت کي کلي کھلتي نہيں ہے

ہے جنگ افکار کي سن لے زمانہ

کہ تجھ سے دشمني ذاتي نہيں ہے

مري تشنہ لبي حد سے سوا ہے

ترے شيشے ميں مے باقي نہيں ہے

فتن کا ہر طرف ہے دور دورہ

کيوں سچائي کہيں ملتي نہيں ہے

يہ خاکي خاک ہو جائے گا اک دن

يہ فاني زيست ہے رہني نہيں ہے

يہ چہرے کاغذي پھولوں کے جيسے

مہک ملتي کہيں اصلي نہيں ہے

گھرا ہے ديس ميرا ظلمتوں ميں

کہيں بھي روشني جلتي نہيں ہے

سکھي سچ بات تو تکليف دے گي

مگر وہ جھوٹ سے چھپتي نہيں ہے