شعر و شاعری

غزل ۔ ۔ ۔ کومل جوئیہ

شاعرہ: کومل جوئیہ

komal joiya

سب چراغوں کی ہدایات کا مطلب سمجھے
چاند روٹھا تو سیاہ رات کا مطلب سمجھے

اس پہ اترے تھے محبت کے صحیفے لیکن
ایک کافر کہاں تورات کا مطلب سمجھے

کون رہ رہ کے وفاؤں کو نبھانا سیکھے
کون فرسودہ روایات کا مطلب سمجھے

اس سے پہلے تو دعاؤں پہ یقیں تھا کم کم
تو نے چھوڑا تو مناجات کا مطلب سمجھے

جب وہ بھر بھر کے لٹاتا رہا اوروں پہ خلوص
ہم تہی دست عنایات کا مطلب سمجھے

اب کسی اور طرف بات گھمانے والے
میں سمجھتی ہوں تری بات کا مطلب ، سمجھے

تجھ کو بھی چھوڑ کے جائے ترا اپنا کوئی
تو بھی اک روز مکافات کا مطلب سمجھے

WhatsApp Group Join Now

admin

An online Urdu Magazine for women.

Leave a Reply

Your email address will not be published. Required fields are marked *